بادغیس کې د ۸ طالبانو وژل کېدو سره بریدونه يې ناکامه شول
تېره شپه طالبانو د بادغیس ولایت"مُقر" ولسوالۍ کې د دفاعي او امنیتي ځواکونو پر پوستو د برید په موخه راټول شوي وو.
دفاعي او امنیتي ځواکونو د هوايي قواوو په ملاتړ د فعالې دفاع په چوکاټ کې دغه ترهګره ډله په نښه کړه، چې په پایله کې ۸ طالبان ووژل شول او ۲ نور ټپيان شوي دي.
د دښمن سره د نښتو په پایله کې ۹ موټر سایکیلونه، یوه اندازه وسلې او مهمات ویجاړ شوي.
همدا راز ۳ کړۍ ماینونه چې طالبانو باد غیس ولایت بیلابیلو سیمو کې د وسایطو ضد، دفاعي، امنیتي ځواکونو او دملکي خلکو تګ راتګ په لاره کې ځای پرځای کړی وو، د ملي اردو د انجینیرۍ ټیم له لوري کشف او شنډ شول.