د کاپیسا په تګاب ولسوالۍ کې ۵ تنه طالبان ووژل شو
تیره شپه د کاپیسا ولایت په تګاب ولسوالۍ کې هوايي ځواکونو د طالبانو یوه ډله چې د ترهګریزو بریدونو او طرحو په جوړولو بوخت وو، په نښه کړه، چې په پایله کې ۵ تنه طالبان وژل شوي دي.
د وژل شوو طالبانو نومونه په لاندې ډول دي:
۱- قاري میداغا د خلیل ځوي د مولوي محمود، د ۱۲ کسیزې ډلې سرګروپ د تګاب د کرم خیلو اوسیدونکی.
۲- ، قاري همت د دلاغا ځوي، د تګاب شمال د طالبانو د قوماندان قاري شکرالله د ۱۵ کسیزې ډلې سرګروپ د لندا خیلو اوسیدونکی.
۳- محمود د ده سبز اوسیدونکی طالبانو د لیزر غړی.
۴- د تګاب د بورتیان اوسیدونکی، قاري نعیم د څو تنو سرګروپ، چې څه وخت وړاندې د بګرام له زندانه آزاد شو.
۵- د یو بل تن جسد د پیژندلو وړ ندی.