۲۶ تنه ترهګر وژل شوي دی
کابل- افغانستان: د هېواد ملي دفاعي او امنیتي ځواکونو د دښمن د ځالو او شته تهدیدونو د له منځه وړلو په موخه په تېرو ۲۴ ساعتونو کې۱۳ پلان شوي یرغلیز او چاڼيز عملیات او ۵ هوايي بریدونه د هېواد په ۱۱ ولایتونو کې تر سره کړي؛ د دې عملیاتو په ترڅ کې ۲۶ تنه ترهګر وژل شوي ،۱۱ تنه ټپیان او ۹ تنه شکمن کسان نیول شوي دي.
تخار - بهارک ولسوالۍ کې د هوایي بریدونو په پایله کې ۱۰ تنه ترهګر وژل شوي دي.
ننگرهار - شیرزاد ولسوال کې کې د چانیزو عملیاتو په پایله کې ٦ تنه ترهګر وژل شوي او ٤ تنه ټپیان شوي دي.
بلخ - نهر شاهي، چمتال او چهاربولک ولسوالیو کې د چانیزو عملیاتو او ځوابي ډزو په پایله کې ٣ تنه ترهګر وژل شوي ، ٤ تنه ټپيان، ٥ تنه نیول شوي، د چاودیدونکو توکو نه ډک یو موټر له منځه وړل شوی او یو شمیر وسلې او مهمات لاسته راغلي دي.
هرات - زاول ولسوالۍ کې د توپچي بریدونو په پایله کې ٣ تنه ترهګر وژل شوي او ٢ تنه ټپیان شوي دي .
کندهار- خاکریز او میوند ولسوالیو کې د توپچي ډزو په پایله کې ٢ تنه ترهګر وژل شوي ، یو تن ټپي او د وسلو او مهماتو یوه دیپو له منځه وړل شوې ده.
خوست- علیشیر او صبریو ولسوالو کې د ځانګړو عملیاتو په پایله کې ٢ تنه ترهګر وژل شوي او ٤ تنه نیول شوي دي.