۳۳ تنه ترهګر ووژل شو
کابل- افغانستان: د هېواد ملي دفاعي او امنیتي ځواکونو د دښمن د ځالو او شته تهدیدونو د له منځه وړلو په موخه په تېرو ۲۴ ساعتونو کې۱۶ پلان شوي یرغلیز او چاڼيز عملیات او ۶هوايي بریدونه د هېواد په ۱۲ ولایتونو کې تر سره کړي؛ د دې عملیاتو په ترڅ کې ۳۳ تنه ترهګر وژل شوي او ۶ تنه ټپیان شوي دي.
کندهار- میوند ولسوالۍ کې د هوایي برید ونو په پایله کې ۱۶تنه ترهګر وژل شوي، ۲ موټر او ۴ موټر سایکلونه له منځه وړل شوي دي.
کندز- دشت ارچي ولسوالۍ کې د هوایي برید په پایله کې ۶ تنه ترهګر وژل شوي دي.
بلخ- د شورتیپې، دولت آباد او بلخ ولسوالیو کې د چانیزو عملیاتو او توپچي ډزو په پایله کې ۵ تنه ترهګر وژل شوي او ۳ تنه ټپیان شوي او یو شمیر وسلې او مهمات لاسته راغلي دي.
غزني- د کابل - غزني لویي لارې په اوږدو کې د چانیزو عملیاتو په پایله کې ۲ تنه ترهګر وژل شوي او ۲تنه ټپیان شوي دي.
هرات- زاول ولسوالۍ اړوند ده غلام سیمه کې د هوایي برید په پایله کې ۲ تنه ترهګر وژل شوي دي.
لغمان- علینګار ولسوالۍ اړوندخورد کلان سیمه کې د ځوابي ډزو په پایله کې یو تن ترهګر وژل شوي او یو تن ټپي شوی دی.
هلمند- نهر سراج ولسوالۍ اړوند میرمندو سیمه کې د هوایي برید په پایله کې یو تن ترهګر وژل شوی دی.