د ۲۰۵ اتل قول اردو له ښوونیز مرکز څخه ۲۳۸ سرتیري فارغ شول
د ۲۰۵ اتل قول اردو له ښوونیز مرکز څخه د ملي اردو ۲۳۸ تنه سرتیري د یو لړ بنسټیزو پوځي زده کړو وروسته فارغ شول.
دغو مراسمو کې، د یادې قول اردو د ښوونیز مرکز قوماندان صالح محمد "احمدزي"، افسرانو، برید ملانو او سرتیرو، ګډون درلود.
د قول اردو ښوونیز مرکز قوماندان وویل:« د ویاړ ځای دی چې زموږ سرتیرو ته په نړیول معیار زده کړه ورکړل شوه، په لوړ مرال د هېواد او خلکو چوپړ ته چمتو کیږي».
همدا راز تازه فارغ شویو سرتیرو وویل، موږ د خپل هېواد او خلکو دفاع او ساتنې ته ژمن یو، هېچا ته اجازه نه ورکوو چې هغوی ته زیان ورسوي.
