د هېواد د وسلوال پوځ لوی درستيز په شمال ختيځ کې د ۲۱۷ عمري قول اردو د قطعاتو او جزوتامونو څخه لېدنه وکړه
د وسلوال پوځ لوی درستيز قاري فصيح الدين «فطرت» د هوايي ځواکونو عمومي قوماندان مولوي امان الدین «منصور» په ملتيا د هېواد شمال ختيځ زون کې د دفاعي ځواکونو له مسوولينو، قومي او سيمه ييزو مخورو سره وکتل.
په دغه سفر کې د وسلوال پوځ لوی درستیز د کندوز، تخار او بدخشان ولايتونو امنيتي وضعيت ارزونه وکړه، د قطعاتو او جزوتامونو د مسوولينو ګزارشونه يې واوريدل.
همدا راز د وسلوال پوځ لوی درستیز اړوندو مسوولينو ته د خلکو د لا ډاډمن امنيت د ټينګښت او خدمت کولو په تړاو لازمې لارښوونې وکړې.
