د ملي دفاع وزارت سرپرست د هوايي ځواکونو له منسوبینو سره په کتنه کې وویل: “د هیواد هوايي ځواک به پیاوړی شي”.
نن ورځ د ملي دفاع وزارت سرپرست مولوي محمد یعقوب "مجاهد" د هوايي ځواک عمومي قوماندانۍ ته ولاړ او د دغې قوماندانۍ له منسوبینو، کارکوونکو، پیلوټانو، انجنیرانو او مسلکي تخنیکرانو او نورو مجاهدینو سره یې وکتل.
د ملي دفاع وزارت سرپرست د غونډې ګډونوالو ته وویل: “دا سمه ده چې موږ ستونزې لرو خو زموږ هوايي ځواکونه د خپلې خاورې د دفاع وړتیا لري او تر بل هر وخت به پیاوړي شي”.
دغه راز د ملي دفاع وزارت سرپرست د هوايي ځواکونو د منسوبینو، کارکوونکو، انجینرانو، پیلوټانو او مسلکي تخنیکرانو له څلورویشت ساعته هڅو څخه مننه وکړه او د هغوی د ستونزو د حل په موخه یې ډاډ ورکړ.
