د ملي دفاع وزارت سرپرست د قطر د بهرنیو چارو له مرستیال وزیر سره وکتل
د ملي دفاع وزارت سرپرست مولوي محمد یعقوب "مجاهد" د قطر د بهرنیو چارو وزارت له مرستیال ښاغلي محمد بن عبدالعزیز "الخلیفي" او ورسره مل پلاوي سره نن پخپل کاري دفتر کې وکتل.
په دې کتنه کې د ملي دفاع وزارت سرپرست په هېواد کې د وروستیو زلزلو او سېلاب ځپلو سره د قطر هېواد له لوري د بشري مرستو څخه مننه وکړه او له دغه هېواد سره يې د اړيکو پر پياوړتيا او د همکاريو پر دوام ټينګار وکړ.
دغه راز د قطر د بهرنيو چارو وزارت مرستيال د افغانستان له خلکو سره په بېلابېلو برخو کې د دوستانه اړيکو د ټينګښت او لا زياتو همکاريو د دوام ډاډ ورکړ.
