د ملي دفاع سرپرست وزير د افغانستان د تخنیکي او مسلکي زده کړو ادارې د نوښت مرکز د تولیدي موټر څخه لیدنه وکړه
د ملي دفاع سرپرست وزير مولوي محمد یعقوب "مجاهد" په کابل کې د افغانستان د تخنیکي او مسلکي زده کړو ادارې د نوښت مرکز له خوا جوړ شوي موټر څخه لیدنه وکړه.
د ملي دفاع سرپرست وزير د ګړندي موټر د تولید په برخه کې د ياد مرکز د مسوولینو له دغه نوښته قدرداني وکړه او دا یې د هېواد د روښانه راتلونکي د پر ځان بسیاینې او هوساینې په برخه کې یو ارزښتناک ګام وباله.
همدا راز د ملي دفاع سرپرست وزير د تيز رفتاره موټر د جوړونې او د دغه مرکز د ډيزاين مسولينو ته ډاډ ورکړ، چې له دوی به هېڅ ډول مرسته ونه سپموي او په نغدي ډاليو يې قدرداني او تشويق وکړ.
