د شوراب ښوونیز مرکز څخه ۶۲ تنه فارغ شول

zia_omid
پنجشنبه ۱۳۹۹/۳/۲۲ - ۱۳:۳۵
د شوراب ښوونیز مرکز څخه ۶۲ تنه فارغ شول

د شوراب ښوونیز مرکز څخه ۶۲ افسرانو، بریدملانو او سرتیرو د انجینري او توپوګرافي په برخه کې زده کړې پای ته ورسولې او د فراغت مراسم يې ترسره شول.

له دې جملې ۴۸ افسرانو، بریدملانو او سرتیرو د ماین پيژندنې په برخه کې روزنه ترلاسه کړه او ۱۸ تنه افسرانو او بریدملانو د توپوګرافۍ له ډیپارټمنټ څخه فارغ شول.

د فراغت په دې مراسمو کې د ۲۱۵ میوند قول اردو قوماندان ډګرجنرال ولي محمد"احمدزي"، د ښوونې و روزنې مدیر ډګرمن نورآغا "نور" د قول اردو ارشد بریدمل محمد نعیم "غبار" ګډون درلود.

د مراسو په پيل کې د ښوونیز مرکز قوماندان ډګرمن بخت محمد "حاجي زاده" د یادي قول اردو قوماندان ډګرجنرال ولي محمد احمدزي ته د ښه راغلاست ترڅنګ د فارغینو په اړه ګذارش وړاندې کړ.

د ۲۱۵ میوند قول اردو قوماندان ډګرجنرال ولي محمد احمدزي د خبر له پيل څخه د سرتیرو، بریدملانو او افسرانو په ښوونه و روزنه ټینګار وکړ او نوموړي وویل چې ښوونه و روزنه زموږ په لومړیتوب کې ځای لري او د تطبیق لپاره يې کافي امکانات په اختیار کې لري.

ورپسې د یادې قول اردو ارشد بریدمل محمد نعیم غبار د سرتیرو او افسرانو ترمنځ د بریدملانو د شتون په ارزښت خبرې وکړې، چې بریدمل د امنیتي ځواکونو په لیکو کې د تطبیق کوونکي ځواک حیثیت لري.

د مراسمو په پای کې فارغینو ته بریلیکونه وویشل شول، او په دعايې نني مراسم پای ته ورسیدل.

وروستي خبرونه

یکشنبه ۱۳۹۹/۵/۵ - ۱۳:۳۲
Background image

د افغانستان د ملي اردو د لوړو زده کړو، ښوونې او روزنې هر اړخیزه پالیسي وړاندې شوه

د هیواد د ملي اردو د لوړو زده کړو، ښوونې او روزنې د هر اړخیزې پالیسۍ د ښودلو مراسم نن د مارشال محمد قسیم فهیم په نظامي پوهنتون کې ترسره شول.

پدې مراسمو کې د ملي دفاع وزارت لومړي. . .

سه‌شنبه ۱۳۹۹/۴/۳۱ - ۱۱:۵۶
Background image

اروپایي اتحادیې له سفیر سره د ملي دفاع وزارت د سرپرست لیدنه

د ملي دفاع وزارت سرپرست ستر جنرال اسدالله خالد نن په خپل کاري دفتر...

شنبه ۱۳۹۹/۴/۲۸ - ۱۴:۵
Background image

د ملي دفاع وزارت سرپرست ستر جنرال اسدالله خالد د خوست ولایت د امنیتي وضعیت د څیړنې په موخه دغه ولایت ته سفر وکړ

د ملي دفاع وزارت سرپرست ښاغلي ستر جنرال “اسدالله خالد” د ملي امنیت د لوی ریس جنرال “ضياء سراج” په ملتیا نن د خوست ولایت ته سفر وکړ او د دغه ولایت د امنیتي وضعیت د څیړنې په موخه یې د. . .

بېرته خبرونه ته