تېرو ۲۴ ساعتونو کې ۱۱۹ طالبان ووژل شول او ۸۴ نور ټپیان شول
دفاعي او امنيتي ځواکونو سره متقابل بریدونو او نښتو کې ۱۱۹ طالبان ووژل شول او ۸۴ نور ټپیان شول.
همداراز د دښمن یوه اندازه وسلې او مهمات له منځه وړل شوي.
د دې په خواکې ۳۸ بېلابېل ډول ماینونه چې طالبانو د هېواد په مختلفو سیمو کې د ملکي خلکو، دفاعي او امنیتي ځواکونو د تګ راتګ په لارو کې ځای پرځای کړي وو، د ملي اردو ځواکونو له لوري کشف او خنثی شول.
دغه طالبان د هېواد غزني، پکتیا، لوګر، کندهار، اروزګان، هرات، هلمند، فاریاب، هلمند، کندوز، بغلان او بدخشان ولایتونو کې وژل شوي او ټپیان شوي دي.