کابل کې د ګډ محاربوي ښوونیز مرکز څخه ۵۸۱ تنه سرتیري فارغ شول
دغو سرتیرو د ۱۲ اونیو له پوځي بنسټیزو زده کړو وروسته، نن په کابل کې د خپل فراغت جشن ولمانځه.
د ښوونې او روزنې عمومي قوماندانۍ مرستیال برید جنرال محمد عیسا ابراهیمي یادو فارغ شوو سرتیرو ته د مبارکۍ تر څنګ وویل: د جګړې په ډګر کې ستاسې شتون به ستاسو ملګري لا وهڅوي چې په هیواد کې د سولې او ثبات د دښمنانو پر وړاندې په کلکه مبارزه وکړي.
د ګډو محاربوي تعلیماتو قوماندانۍ سرپرست ډګروال عبدالظاهر بارز سرتیري وهڅول چې د جګړې په ډګر کې له خپلې پوځي روزنې څخه سمه ګټه پورته کړي.
یادو فارغانو ژمنه وکړه چې د افغانستان دښمنانو ځپلو ته تل چمتو دي او دښمن ته به هیڅکله د ترهګریزو کړنو اجازه ورنکړي.
