د ملي دفاع وزارت په انګړ کې د هیواد دښېرازۍ په موخه د نیالګيو کېنولو کمپاين وشو
د ملي دفاع وزارت په انګړ کې د وسلوال پوځ لوی درستیز قاري فصیح الدین "فطرت" او د لوی درستیز مرستیال حاجي مالي خان "صدیق" د هیواد د ښېرازۍ لپاره نیالګي کښېنول.
د وسلوال پوځ لوی درستیز قاري فصیح الدین "فطرت" د قطعاتو او جزوتامونو مسؤلینو ته هدایت ورکړ چې د خپل هیواد د ښېرازۍ لپاره یو یو نیالګی کېنوئ.
همدا راز د لوی درستیز مرستیال حاجي مالي خان "صدیق " پخپل پیغام کې وویل: دا هیواد موږ او تاسو پخپله جوړو بل هیڅوک يې نه راته جوړوي او د اسلامي اردو هر فرد ته يې سپارښتنه وکړه چې یو نیالګی د ځان لپاره او یو د هیواد لپاره کېنوي تر څو راتلونکی سپرلی د هيواد د زرغونتيا مثال جوړ شي.
