د وسلوالو ځواکونو لوی در ستیز او ور سره پلاوي د کندهار ولایت مخورو او قومي مشرانو سره وکتل
د وسله والو ځواکونو لوی درستیز ډګر جنرال ولي محمد «احمدزي»، د کورنیو چارو سرپرست وزیر جنرال عبدالستار «میرزکوال» او د ملي امنیت عمومي ریاست پوځي مرستیال، د کندهار ولایت له وکیلانو، قومي مشرانو او ځوانانو سره ولیدل.
د کندهار ولایت مخورو د دفاعي او امنیتي ځواکونو د سرښندنو او قهرمانیو قدردانی وکړ او خپل هر اړخیز ملاتړ یې ترې څرګند کړ، د کندهار ولایت امنیتي ننګونو ته يې ځانګړي وړاندیزونه له چارواکو سره شریک کړل.
د وسلوالو ځواکونو لوی درستیز د یاد ولایت مخورو د وړاندیزونو له اوریدو وروسته هغوی ته ډاډ ورکړ، چې د جمهور رییس او وسلوالو ځواکونو اعلی سر قوماندان د لارښوونې پر بنسټ به د کندهار ولایت د شریفو خلکو ستونزو ته ځانګړې توجه کوي.
د وسلوالو ځواکونو لوی در ستیز زیاته کړه:« د دفاعي او امنیتي ځواکونو په لیکو کې ستاسې زړور بچیان به په ټول قوت سره د سولې او ثبات د دښمنانو پر وړاندې جنګیږي او نه پریږدي چې ترهګر خپلو شومو موخو ته ورسیږي.»
